अतिकम विकसित मुलुकबाट स्तरोन्नती हुदा पर्ने प्रभावका सम्वन्धमा सम्वाद कार्यक्रम सम्पन्न |

काठमाडौं । नेपाल अतिकम विकसित मुलुकको श्रेणिबाट स्तरोन्नती हुदा औद्योगिक क्षेत्रमा पर्ने प्रभावका सम्वन्धमा उद्योग संगठन मोरङले स्व. महेन्द्र औद्योगिक अध्ययन केन्द्र, ईण्डष्ट्रियल एकेडेमिया लिंकेज अन्तर्गत २०७९ जेष्ठ १२ गते सम्वाद कार्यक्रम आयोजना गरेको छ ।

कार्यक्रममा संगठनका उपाध्यक्ष्ँ भोलेश्वर दुलालले अतिकम विकसित राष्ट्रबाट विकाशोन्मुख राष्ट्रमा स्तरोन्नती हुदा आर्थिक एवं औद्योगिक क्षेत्रमा पर्ने सकारात्मक र नकारात्मक प्रभावको सम्वन्धमा विश्लेषण गरी सोही अनुरुपको पूर्व तयारीका लागि सरकार र नीजि क्षेत्रले हातेमालो गर्नुपर्ने विचार व्यक्त गरे । स्तरोन्नतीबाट नेपालका उद्योगहरुमा पर्ने प्रभाव, भन्सारका दरमा हुन सक्ने फेरवदल, वस्तु उत्पादनका क्रममा पालना गर्नुपर्ने शर्तहरु, विनिमय प्रणाली लगायतका पक्षहरुको सुक्ष्म अध्ययन गरी नीजि क्षेत्रको प्रतिष्पर्धि क्षमता अभिवृद्धि गर्न नीति निर्माण तहलाई सुझाव दिए ।

कार्यक्रममा प्रमुख वक्ता साउथ एशिवा वाच अन ट्रेड ईकोनोमिक्स एण्ड ईनभाईरोमेन्ट (सावती) का अनुसन्धान निर्देशक डा. पारस खरेलले नेपाललाई अतिकम विकसीत राष्ट्रबाट विकाशोन्मुख राष्ट्रमा स्तरोन्नती हुदा युरोप, अमेरिका लगायतका विकसीत राष्ट्रबाट हाल प्राप्त सुविधा, भन्सार सहुलियत जस्ता निश्चित कुराहरुमा उल्लेखिय प्रभाव नपरेपनि केही मात्रामा पर्ने वताए । उनले कुल ग्राहस्थ्य उत्पादनमा उत्पादनमूलक उद्योगहरुको योगदान घटिरहेको अवस्थामा नेपाल विकाशोन्मुख राष्ट्रमा स्तरोन्नती हुदा वस्तु उत्पतिको सिद्धान्त अनुरुप दोहोरो रुपान्तरणको शर्त पालना गर्नुपर्ने जानकारी दिदै उदाहरणका रुपमा कपडाबाट गार्मेन्ट नभई धागोबाट कपडा र कपडाबाट गार्मेन्ट वनाउनु पर्ने वताए ।