ट्वीटर खरीद गरेका मस्क ट्वीटरमा लेख्छन् ‘कोकेन मिसाउन कोकाकोला किन्छु’ |
ट्वीटर खरिद गरेपछि टेस्लाका सीइओ इलाेन मस्कले सामाजिक संजालमा अत्यन्त सक्रिय देखिएका छन् । उनले ट्वीटर गर्दै छिटै कोकाकोला किन्ने बताएका छन् । तर सो ट्वीटमा अचम्म बनाउने उनको एक भनाई अहिले चर्चामा छ । उनले कोकाकोलामा कोकेन राख्ने ट्वीटमा लेखेका छन् ।
मस्कले अब म कोकाकोला किन्दैछु ताकि यसमा फेरि कोकिन राख्न सकियोस् । उनले यस ट्वीट अहिले भाइरल भएको छ । यो समाचार तयार पार्दासम्म सो ट्वीट १.९ मिलियन मानिसले लाइक गरिसकेका छन् । उक्त ट्वीट गरेपछि मस्कले फेरि लेखे,'ट्वीटरलाई अत्याधिक रमाइलो बनाऔं '।
त्यसपछि तुरुन्त मस्कले आफ्नो अघिल्लो ट्वीटको एक स्क्रिनसट शेयर गरे जसमा उनले अब म्याकडाेनाल्ड्स किन्ने लेखेका थिए । सोही ट्वीटमा उनले थप लेखेका छन्,' र म सबै बिग्रेका आइसक्रिम मेसिन बनाउनेछु ।' त्यसपछि उनले रमाइलो गर्दै सो ट्वीटमा जवाफ दिए,'सुन्नु ल, म चमत्कार गर्न सक्दिन।'
