नेपाल पर्यटन बोर्डका पूर्व सीईओ जोशी एपेक्स कलेजको इण्डष्ट्रि एडभाइजरमा नियुक्त |
काठमाडौं । आफ्नो उद्योग प्राज्ञिक समन्वयलाई थप सुदृढ पार्न एपेक्स कलेजले बीबीए अन्तर्गतको ट्राभल एण्ड टुरिजम कार्यक्रमको इण्डष्ट्रि एडभाइजरको रुपमा नेपाल पर्यटन बोर्डका पूर्व सीईओ दिपक राज जोशीलाई बोर्डमा नियुक्त गरेको छ।
कलेजसँग उनको सहकार्यलाई स्वागत गर्न कर्मचारी तथा संकाय सदस्यहरुसहित काठमाडौँको मध्य बानेश्वरस्थित आफ्नो परिसरमा एक कार्यक्रमको आयोजना गरिएको थियो।
पर्यटन क्षेत्रमा जोशीको अतुलनिय विशेषज्ञता, अनुभव र योगदानका कारण कलेजले उनलाई नियुक्त गरेको हो। कलेजका विद्यार्थीहरुको निरीक्षण र उनीहरुलाई सल्लाह दिनुका साथै जोशीले कलेजलाई इण्डष्ट्रिले माग गरेको सीप विकास गर्ने यस्तो वैकल्पिक पाठ्यक्रम डिजाइन गर्न पनि मद्दत गर्नेछन् जसले स्नातकलाई अझ सुसज्जित गर्नेछ।
कार्यक्रममा बोल्दै कलेजका प्रिन्सिपल दुर्गा रिजालले ट्राभल एण्ड टुरिजम केन्द्रित विजनेस एडमिनिस्ट्रेसन कार्यक्रमलाई अझ उच्च स्तरमा पुर्याउन केही समयका लागि जोशी जस्तो क्षमतावान सल्लाहकारको खाँचो रहेको बताएका थिए। साथै, जोशी सहमत भएकोमा आफुहरु ज्यादै खुसी रहेको पनि बताएका थिए।
