बैंकर्स संघको अध्यक्षमा उपाध्याय निर्विरोध |

काठमाडौं । नेपाल बैंकर्स संघको अध्यक्षमा अनिलकुमार उपाध्याय निर्विरोध चयन हुने भएका छन् ।  आगामी कात्तिक २३ मा हुन लागेको संघको वार्षिक साधारणसभा तथा संघको नयाँ नेतृत्व चयनका लागि उपाध्याय बाहेक अरु कसैको पनि उम्मेदवारी नपरेपछि  उनी स्वतः अध्यक्ष बन्ने भएका हुन् ।

योसँगै अब संघको आगामी वार्षिक साधारणसभाले उपाध्यायलाई नै अध्यक्ष घोषित गर्नेछ । निर्वाचन समितिले अध्यक्षका लागि बुधबार बेलुका ५ बजेसम्मका लागि उम्मेदवारी दिन भनेको थियो । तर अन्तिम समयसम्म उपाध्याय बाहेक अरु कसैको उम्मेदवारी परेन ।

कृषि विकास बैंकका प्रमुख कार्यकारी अधिकृत रहेका उपाध्याय हालका संघका उपाध्यक्ष समेत हुन् ।  अध्यक्ष भुवन दाहाल आफ्नो दुई वर्षे कार्यकाल पुरा गर्दै कार्तिक २३ गतेबाट संघको नेतृत्वबाट बाहिरिँदै छन् ।