डा. पोखरेललाई ‘कलमके सिपाही’ अवार्ड |
नयाँ दिल्ली । वर्ल्ड ट्रेड ग्रुप नेपालका अध्यक्ष डा शम्भु पोखरेललाइ न्यूजपेपर्स एसोसिएशन अफ इंडियाले ‘कलम के सिपाही’ पुरस्कार प्रदान गरेको छ ।
डा पोखरेलले पत्रकारीता क्षेत्रमा गरेको योगदानको कदर गर्दै आई एम एस गाजियावाद र न्यूजपेपर्स एसोसिएशन अफ इंडियाले सो पुरस्कार प्रदान गरेको हो । भारतीय जनता पार्टीका पूर्व राष्ट्रिय सचिव तथा उत्तराखन्डका पूर्व मुख्य मन्त्री तीर्थसिहं रावतले अवार्ड हस्तान्तरण गरेका हुन् ।
न्यूजपेपर्स एसोसिएशन अफ इंडियाले आईएमएस गाजियावाद (विश्वविद्यालय कोर्स क्याम्पस) भारत को सहयोगमा शुक्रबार भारतका ४० भन्दा बढी राष्ट्रिय मिडियाकर्मीहरुलाई सम्मान गरेको हो।
विजनेश टेलिभिजनका अध्यक्ष डा. शम्भु पाखेरेलले समेत अवार्ड हात पारेका छन् । कार्यक्रममा भारतका अधिकांश मिडियाकर्मीहरु, शैक्षिक क्षेत्रमा लब्ध प्रतिष्ठित व्यक्तिहरु र समाजसेवीहरुको उपस्थिति रहेको थियो ।
डा. शम्भु पोखरेललाई न्युजपेपर एशोसिएसन एफ ईण्डिया (नाई) ले दोश्रो पटक ‘कलमके शिपाही अवार्ड प्रदान गरेको हो । सो अवार्ड डा. पोखरेलको ८ औं अन्तर्राष्ट्रिय अवार्ड हो ।
डा. पोखरेल नेपालको पत्रकारिता क्षेत्रमा पछिल्लो २ दशकदेखि सक्रिय छन् । उनको नेतृत्वमा नेपालको पहिलो विजनेश टेलिभिजन सञ्चालनमा रहेको छ ।
वर्ल्ड ट्रेड ग्रुप अन्तर्गत डा. पोखरेलका नेतृत्वमा दर्जन बढी कम्पनीहरु पनि सञ्चालनमा रहेका छन् ।
