आइएमई जनरल इन्स्योरेन्स हकप्रद निष्काशनको अनुमति माग्दै बोर्ड पुग्यो |
काठमाडौं ।आइएमई जनरल इन्स्योरेन्स हकप्रद निष्काशनको अनुमति माग्दै नेपाल धितापत्र बोर्डमा आवेदन दिएको छ।
कम्पनीले हाल कायम चुक्ता पूँजीको ४० प्रतिशत हकप्रद शेयर निष्काशनको अनुमति माग्दै बोर्डमा आवेदन दिएको हो।
कम्पनीले चुक्ता पूँजी १ अर्ब १५ करोड ७६ लाख रुपैयाँ छ। एक बराबर ०.४ अनुपात अर्थात ४० प्रतिशत हकप्रद शेयर निष्काशनपछि कम्पनीको चुक्ता पूँजी एक अर्ब ६२ करोड ६ लाख रुपैयाँ पुग्नेछ।
बीमा समितिले अरु बीमा कम्पनीहरुलाई तत्काल हकप्रद निष्काशन गर्न रोक्का गरेको भएपनि शिखर र आइएमई जनरललाई भने हकप्रद निष्काशन गर्न अनुमति दिएको थियो।
साधारण सभाबाट हकप्रद निष्काशनको प्रस्ताव अघि बढीसकेकोले यी दुई कम्पनीले हकप्रद शेयर निष्काशन गर्न लागेको हो।
