सनराइज फर्स्ट म्युचुअल फण्डको मूल्य समायोजन |
काठमाडौं । भदौ १६ गते, बुधबार, नेपाल स्टक एक्सचेञ्ज (नेप्से) मा सनराइज फर्स्ट म्युचुअल फण्ड इकाईमूल्य समायोजन भएको छ।
फण्डले लाभांश वितरण प्रयोजनार्थ बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो। फण्डको यस दिन ५० प्रतिशत नगद लाभांश समायोजन भएको हो।
समायोजनपश्चात फण्डको इकाई मूल्य १३ रुपैयाँ १३ पैसा कायम भएको छ। फण्डको इकाई भदौ १५ गते, मंगलबार १८ रुपैयाँ १३ पैसामा अन्तिम कारोबार भएको थियो।
सनराइज बैंकद्वारा प्रबर्द्धित तथा सनराइज क्यापिटलबाट व्यवस्थापन गरिएको सनराइज म्युचुअल फण्ड अन्तर्गत सञ्चालित यस फण्डले आर्थिक वर्ष २०७७/७८ को लागि इकाईधनीहरुलाई करसहित ५० प्रतिशत नगद लाभांश वितरण गर्ने घोषणा गरेको थियो।
