एनएमबि लघुवित्तको नाफा १६२.९७ प्रतिशतले बढ्यो |
काठमाडौं । एनएमबि लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार लघुवित्तको खुद नाफामा उल्लेख्य सुधार देखिएको छ।
गत आर्थिक वर्षको अन्त्यसम्ममा लघुवित्तले १९ करोड ८७ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा १६२.९७ प्रतिशत बढी हो।
खुद ब्याज आम्दानी र अन्य सञ्चालन आम्दानी बढेसँगै सम्भावित जोखिमबापतको व्यवस्था (प्रोभिजन) मा कम रकम छुट्याएका कारण लघुवित्तको खुद नाफामा उल्लेख्य सुधार देखिएको हो।
समीक्षा अवधिमा लघुवित्तको खुद ब्याज आम्दानी ६८.८९ प्रतिशत बढेको छ भने अन्य सञ्चालन आम्दानी ०.५९ प्रतिशत घटेको छ। लघुवित्तको सञ्चालन मुनाफा १२३९.१२ प्रतिशत बढेको छ।
समीक्षा अवधिमा लघुवित्तको चुक्ता पूँजी १९ प्रतिशत र जगेडा कोष ३३.४४ प्रतिशत बढेको छ। त्यस्तै, लघुवित्तको सापटी २१.४५ प्रतिशत, निक्षेप १३.९५ प्रतिशत र कर्जा लगानी ३९.१० प्रतिशत बढेको छ।
नाफा बढेसँगै लघुवित्तको प्रतिशेयर आम्दानी पनि उल्लेख्य सुधार भएको छ। सो अवधिमा लघुवित्तको यस्तो आम्दानी २० रुपैयाँ १६ पैसा बढेर ३६ रुपैयाँ ८३ पैसा पुगेको छ। लघुवित्तको प्रतिशेयर नेटवर्थ १६७ रुपैयाँ ७१ पैसा रहेको छ भने मूल्य आम्दानी अनुपात ३८.८० गुणा रहेको छ।
