यामाहाका बाइक तथा स्कुटरको भाउ चारदेखि ९ हजारसम्म मूल्य बढ्यो |
काठमाडौं । चालु आर्थिक वर्षयता नेपाली बजारमा यामहाका अधिकांश बाइक तथा स्कुटर तथा स्कुटरको मूल्य बढेको छ ।
नेपालका लागी यामाहा मोटरसाइकलको आधिकारीक वितरक मोरङ अटो वक्र्स (एमएडब्लू) ले अधिकांश प्रडक्टको मूल्य बढाएको जनाएको हो ।
भारतमा भएको मोटरसाइकल तथा स्कुटरको मूल्य वृद्धि पश्चात त्यसको असर नेपाली बजारमा परेकोे आधिकारिक वितरक एमएडब्लूले जनाएको छ । एमएडब्लुका अनुसार यामाहाको मोटरसाइकल तथा स्कुटरमा ९ हजार रुपैयाँसम्म मूल्य बढेको छ ।
साउन महिनाको सुरुवातसंगै यामाहाले एस जेट आर आरको मूल्य ९ हजार रुपैयाँले बढाएर २ लाख ४६ हजार ९०० पुर्याएको छ । यसअघि २ लाख ३७ हजार ९०० रुपैयाँमा बिक्री हुँदै आएको थियो ।
सैगरी रेजेटआर १२५ स्ट्रिट र्यालि, रेजेटआर १२५ एफआई २, र फ्यासिनो १२५ को मूल्यमा पनि समान ८ हजार रुपैयाँ वृद्धि गरिएको छ ।
यससँगै अब ग्राहकले रेजेटआर १२५ स्ट्रिट र्यालि खरीदका लागि २ लाख ६९ हजार ९००, रेजेटआर १२५ एफआई २ का लागि २ लाख ५९ हजार ९०० र फ्यासिनो १२५ को खरीदका लागि २ लाख ६४ हजार ९०० रुपैयाँ खर्चिनुपर्ने भएको छ ।
कम्पनीका अनुसार एफजेटएस भि थ्रिको नयाँ मूल्य ३ लाख ३४ हजार ९०० रुपैयाँ कायम गरेको छ । यसअघि यो मोटर ३ लाख २९ हजार ९०० रुपैयाँमा खरिद बिक्री हुने गरेकामा पाँच हजारले मूल्य बढाइएको हो । यस्तै एफजेट २५ को मूल्य पाँच हजार बढाएर ४ लाख ४७ हजार ९०० रुपैयाँ पुर्याइएको छ ।
त्यसैगरी यामाहाले आर १५ भि थ्रि को मूल्य पनि चार हजार रुपैयाँले बढेर ४ लाख ८१ हजार ९०० रुपैयाँ पुगेको छ । जुन यस अघि ४ लाख ७७ हजार ९०० रुपैयाँमा खरिद बिक्री हुने गरेको थियो ।
एफजेट एस भि टु को मूल्य चार हजार रुपैयाँले बढेर ३ लाख ०८ हजार ९०० रुपैयाँ पुगेको छ । यसअघि उक्त मोटरसाइकल ३ लाख ४ हजार ९०० मा बिक्री हुँदै आइरहेको थियो ।
नेपालका लागी यामाहा मोटरसाइकलको आधिकारीक वितरक एमएडब्लूले यामाहाका मोडलहरु एफजेड भी टु, एमटी १५, आर थ्री, फेजर २५, रेजेड आर स्ट्रीट र्याली ११३, एक्सटीजेड १२५ र एनम्याक्स १५५ स्कुटरको मूल्य यथावत नै राखेको जनाएको छ ।
दुई पांग्रै सवारी साधनहरु होन्डा, बजाज, टिभिएसका आधिकारीक वितरकहरुले अघि नै नेपालमा मूल्य बढाइसकेका छन् ।
