डिम्याट खाताको वार्षिक शुल्क बुझाउन मुक्तिनाथ क्यापिटलको आग्रह |

काठमाडौं । मुक्तिनाथ क्यापिटल लिमिटेडले आफ्ना सेवाग्राहीलाई डिम्याट खाता नवीकरण शुल्क बुझाउन आग्रह गरेको छ । 

मुक्तिनाथ विकास बैंक लिमिटेड र लुम्बिनी विकास बैंक लिमिटेडका शाखा कार्यालय मार्फत डिम्याट खाता खोलेका क्यापिटलका सेवाग्राहीलाई आर्थिक वर्ष २०७७÷२०७८ सम्म डिम्याट सञ्चालन गरेवापत वार्षिक शुल्क १०० बुझाउन अनुरोध गरेको हो ।

सेवाग्राहीले असार मसान्त भित्र ई सेवा, खल्ती, आईएमई पे र कनेक्ट आईपीएस मार्फत उक्त शुल्क बुझाउन सक्नेछन् । तोकिएको समयावधि असार मसान्तभित्र वार्षिक शुल्क भुक्तानी नगरे सत्याग्राहीको डिम्याट खाता सिस्टमबाट रोक्का हुने कम्पनीले बताएको छ ।