बाल आश्रमलाई नायक रमित ढुुंगानाको एक लाख सहयोग |
काठमाडौं । कोरोना महामारीका कारण देशका विभिन्न स्थानमा रहेका बाल आश्रमहरु प्रभावित भएका छन् । दाताहरुको सहयोगबाट संचालन हुँदै आएका यस्ता बाल आश्रमहरु प्रभावित हुँदा बालबालिकाहरुको दैनिकी पनि प्रभावित भएको छ ।
कोरोनाका कारण बाल आश्रमहरु संचालनमा नै समस्या हुन थालेपछि नेपाली चलचित्रका कलाकारहरुले आफूले सकेको सहयोग गर्न थालेका छन् ।
निषेधाज्ञा हुनुभन्दा एक साता अगाडि मात्र नेपाल आएका नायक रमित ढुंगानाले जोरपाटीमा रहेको ‘बालबालिका महिला तथा शिक्षा सहयोगी फाउन्डेशन नेपाल’लाई एक लाख रुपैयाँ सहयोग गरेका छन् ।
विगत १३ बर्षदेखि यो संस्था चलाइरहेकी श्वेता केसीलाई नायक ढुुंगानाले एक लाख नगद सहयोग गरेका हुन् ।
उक्त बालगृहमा २५ जना अनाथ बालबालिकाहरु आश्रित रहँदै आएका छन् । रमितले आफूले महामारीको समयमा बाचौं र बचाऔं भन्ने उद्देश्य लिएर सहयोगी हात अगाडि बढाएको बताएका छन् ।
चाडै नै चलचित्र बनाउने तयारीमा रहेका नायक ढुंगानाले यो समयमा आफूले सकेको सहयोग सबैले गर्नुपर्ने पनि बताएका छन् ।
