यामाहा बाइकको वृहत ‘एक्सचेन्ज मेला’ भृकुटीमण्डपमा | आकर्षक नगद छुटसहित शून्य प्रतिशतमा फाइन्यान्सिङ्ग सुविधा
काठमाडौं । यामाहा मोटरसाइकलका लागि एमएडब्लूले राजधानीको भृकुटीमण्डपमा बृहत्त मोटरसाइकल एक्सचेन्ज मेला आयोजना गरेको छ । बिहिबारबाट शुरु भएको मेलामा ग्राहकहरुले आफुसँग भएका जुनकुनै मोडलका पुरा मोटरसाइकलसँग नयाँ यामाहा मोटरसाइकल तथा स्कुटर एक्सचेन्ज गर्न सक्ने र त्यसमा कम्पनीले आकर्ष बोन प्रदान गर्ने यामाहाले जनाएको छ ।
पुराना मोटरसाइकल एक्सचेन्जमा कम्पनीले भ्यालू एडिसनमा थप १५ हजार नगद छुट दिने जनाएको छ । अर्थात् जुनकुनै पुराना मोटरसाइकलको मूल्यमा थप १५ हजार थपेर एक्सचेन्ज अफर दिने कम्पनीले जनाएको छ । त्यस्तै, नयाँ मोटरसाइकल किन्न चाहनेलाई ग्राहकलाई कम्पनीले नगद १० हजार छुटको सुविधा दिएको छ भने, यसको अतिरिक्त मोटरसाइकलमा शून्य प्रतिशतमा फाइन्यान्सिङ्ग सुविधा समेत प्रदान गरिने कम्पनीले जनाएको छ ।
थप मोटरसाइकल खरिदमा अतिरिक्त सेवा सुविधामा ग्राहकलाई एक पर्षसम्म निःशुल्क स्पेयर पार्टस्हरु, सर्भिसिङ्ग, रोड ट्याक्स लगायतका सेवा सुविधा प्रदान गरिएको कम्पनीले जनाएको छ । चैत ५ गतेबाट शुरु भएको मेला आगामी ११ गतेसम्म चल्नेछ ।
