विश्वका पाँच युवा उद्यमीको कथामा बन्न लागेको वृतचित्रमा नेपाली उद्यमीको कथा |

काठमाडौं । विश्वका पाँच युवा उद्यमीको कथालाई समावेश गरी National Geographic Documentary Films ले निर्माण गरेको वृतचित्र 'OWN THE ROOM' मा नेपाली युवा उद्यमी सन्तोष पाण्डेको उद्यमी यात्राको कथा पनि समावेश भएको छ ।

पाण्डे नेपालमा पहिलोपटक surprise planning तथा gifting सेवा भित्र्याउने कम्पनी Offering Happiness Pvt. Ltd. का सह-संस्थापक हुन् । सो कम्पनीले आफ्नो वेवसाइट मार्फत विगत ४ वर्ष देखि देश-विदेशमा बसोबास गर्दै आएका नेपालीहरुबीच gift तथा surprise आदान-प्रदान गर्ने सेवा दिँदै आएको छ ।

Emmy Award विजेताद्वय क्रिस्टिना कोस्ट्यान्टिनी र ड्यारेन फोस्टर द्वारा निर्देशित सो वृतचित्रको ट्रेलर फेब्रुअरी ९ मा सार्वजनिक भएको हो ।

अप्रिल २०१९ मा विश्वभरीका ५१ जना युवा उद्यमीहरुले Global Student Entrepreneurship Award Finals का लागि प्रतिस्पर्धा गरेका थिए । उक्त प्रतिस्पर्धीहरु मध्ये पाँचजना पृथक तथा प्रभावशाली उद्यम गर्दै आएका उद्यमीहरुको कथाहरुलाई समेटेर निर्माण गरिएको सो वृतचित्र मार्च १२ मा आधिकारिक रुपमा Disney+ मा सार्वजनिक हुने छ ।