ओपोद्वारा नोवेम्बर १७मा ओपो ईन्नो डे २०२०को आयोजना गर्ने | तीन नयाँ उत्पादनहरु सार्वजनिक गरिने
काठमाडौं । ओपोले आफ्नो बार्षिक ओपो इन्नो डे यही नोवेम्बर महिनाको २७ तारिकका दिन चीनको शन्चनमा ‘लिप इन्टु द फ्यूचर’ अवधारणाका साथमा आयोजना गर्ने घोषणा गरेको छ । कार्यक्रमले इन्टरनेट अफ एक्स्पेरियन्सको यो युगमा ओपोका अग्रगामी सोच र सफलताहरु प्रस्तुत गर्ने जानकारी दिइएको छ ।
ओपोका संस्थापक तथा प्रमुख कार्यकारी अधिकृत टोनी चनका साथै ओपोका उपाध्यक्ष तथा ओपो रिचर्स इन्स्टिच्यूटका प्रमुख लेभिन ल्यूले समेत कार्यक्रममा किनोट प्रस्तुति दिनेछन् । किनोटमार्फत दुबैले नयाँ युगका लागि कम्पनीका प्राविधिक भिजन र बिजनेश फिलोसोफीबारे जानकारी दिँदै तीन नयाँ अवधारणा उत्पादन (कन्सेप्ट प्रडक्ट्स)पनि सार्वजनिक गर्नेछन् ।
सन् २०१९मा पहिलो पटक आयोजित ओपो इन्नो डे कम्पनीका लागि आफ्ना प्रमुख प्राविधिक अन्तरदृष्टि प्रस्तुत गर्नुका साथै, भविष्यका प्राविधिक सम्भावना अन्वेषणका लागि समेत एक प्रमुख कार्यक्रमका रुपमा रहँदै आएको छ । पछिल्लो बर्ष ओपोले इनटेलिजेन्ट कनेक्टिभिटीको अवधारणा अघि सारेको थियो ।
यस बर्ष सो अवधारणालाई परिस्कृत गर्दै इन्टरनेट अफ एक्स्पेरियन्सका रुपमा प्रस्तुत गर्ने ओपोको उद्देश्य रहेको छ । इन्टेलिजेन्ट कनेक्टिभिटी जग मात्र भएको र साधारण जडान भन्दा बृहत्त बस्तुहरुको अभिसरण (कम्भर्जेन्स अफ थिंग्स) अर्थात्, इन्टरनेट अफ एक्स्पेरियन्स भविष्य हुन ओपोको विश्वास छ ।
स्मार्टवाट्च, फाइभजी सीपीई र एआर ग्लासेज लगायत विभिन्न ग्याजेटहरुको प्रदर्शनी फ्ल्याश चार्जिङ, फाइभजी , इमेजिङ र सफ्टवेयर अनुकुलन लगायत क्षेत्रमा रोमाञ्चक नवप्रबर्तनात्मक सफलताका साथ प्रदर्शनीमा आइसकेका छन् । यस बर्ष थप नवप्रबर्तनात्मक प्रविधिहरु प्रदर्शित गरिने कम्पनीले जानकारी दिएको छ ।
