नारायणी डेभलपमेन्ट बैंकको १ः१ हकप्रद शेयर जारी गर्ने प्रस्ताव पारित |
काठमाडौं । नारायणी डेभलपमेन्ट बैंकको १८औ बार्षिक साधारणसभा सम्पन्न भएको छ । बैंकका अध्यक्ष चन्द्रमान मलेकुको अध्यक्षतामा बसेको सभाले बैंकको आव २०७५∕७६को बार्षिक वित्तीय विवरण, नाफा नोक्सान हिसाव पारित गर्नुको साथै एक बरावर एक (१ː१) हकप्रद शेयर जारी गर्न पनि प्रस्ताव पारित गरेको छ । यस हकप्रद निश्कासनपश्चात बैंकको चुक्ता पूँजी रु. १३ करोड १२ लाख पुग्नेछ ।
बैंकले यस साधारण सभामार्फत गाभ्ने गाभिने तथा प्राप्ति समाहित हुने, रणनीतिक साझेदार नयाँ लगानीकर्ता भित्रयाउने सम्बन्धमा प्रस्ताव पारित गरी त्यसको जिम्मेवारी संचालक समितिलाई दिएको छ ।
चितवन जिल्ला रत्ननगर नगरपालिका वडा नं. १ बकुलहरमा केन्द्रिय कार्यालय रहेको नारायणी डेभलपमेन्ट बैंकको हाल केन्द्रिय कार्यालय सहित तीन वटा शाखा रहेका छन ।
हालसालै मात्र नेपाल राष्ट्र बैंकले समस्याग्रस्त सूचीबाट हटाएको यस बैंकले निकट भविष्यमानै रु. ५० करोड चुक्ता पँजी पुर्याउने योजनासहित कार्य गरिरेको छ ।
