काठमाडौं उपत्यकामा ९४३ जना कोरोना संक्रमित थपिए |
काठमाडौं । पछिल्लो २४ घण्टामा काठमाडौं उपत्यकामा ९४३ जना कोरोना संक्रमित थपिएका छन् । तीमध्ये काठमाडौंका ८१७ जना, ललितपुरका ६८ जना र भक्तपुरका ५८ जना हुन् ।
यसैगरी गत एक दिनमा कोरोना मुक्त भएर डिस्चार्ज हुने ९६१ जना छन् । अहिलेसम्म कोरोना निको हुनेको कुल संख्या ५७ हजार ३८९ रहेको छ । हाल क्वारेन्टिनमा रहनेको संख्या पाँच हजार ७७ र संस्थागत आइसोलेसनमा १० हजार ७६१ र होम आइसोलेसनमा रहनेको संख्या ११ हजार ६९ रहेको छ ।
गत २४ घण्टामा १२ हजार ४४४ पीसीआर परीक्षण भएको छ भने आजसम्म कुल १० लाख ३३ हजार ९४७ परीक्षण भइसकेको छ ।
