सिन्धुपाल्चोकमा फेरी पहिरो ː ३ जनाको मृत्यु, १५ जना बेपत्ता |
काठमाडौं । पहिरोका कारण सिन्धुपाल्चोकको बाह्रबिसे नगरपालिकामा ३ जनाको मृत्यु हुनुका साथै १५ जना बेपत्ता भएका छन् ।
अविरल वर्षाका कारण नगरपालिकाको वडा नम्बर ७ मा गएको पहिरोले ८ वटा घर बगाउँदा १५ जना बेपत्ता भएका हुन् ।
नगरपालिकाकी उपमेयर सुशिला पाख्रिनले पहिरोका कारण ३ जनाको मृत्यु भएको खबर आफूले पाएको बताइन् ।
त्यहाँ अझै घरहरू पुरिएको र धेरै क्षति भएको उनको भनाइ छ ।
त्यसैगरी उनले चाङसार भन्ने स्थानमा पनि पहिरोले केही घर बगाएको जानकारी प्राप्त भएपनि मानवीय क्षतिको जानकारी नआएको बताइन् ।
