फेसबुकले पनि ल्यायो भिडियो कलिंग प्लेटफर्म, यस्ता छन फिचर |
फेसबुकले भिडियो वार्ताका लागि जुमसँग प्रतिस्पर्धा गर्न नयाँ सुविधाहरू रोल आउट गर्दैछ । अब फेसबुकको मेसेन्जरमा त्यस्तै एक नयाँ फिचर थपिएको छ जुन जूम भिडियो कलिंग प्लेटफर्मसँग मिल्दोजुल्दो छ ।
मेसेन्जरमा भिडियो कलिंगको बेला पनि स्क्रिन शेयर गर्न सकिने छ । यो सुविधा मेसेन्जर एपमा दिइनेछ । यसको अन्तर्गत, समूह भिडियो कल वा एकल भिडियो कल भइरहेका बखत एक अर्कासँग स्क्रीन शेयर गर्न सकिने छ । फेसबुकले मेसेन्जरको समूह भिडियो कलिंग सेवा रुम पनि शुरू गरेको छ ।
मेसेन्जरमा प्रदान गरिएको स्क्रिन शेयर सुविधा भिडियो कलिंगमा भाग लिने मानिसहरूलाई स्मार्टफोनको स्क्रीन देखाउन सकिन्छ । एक भिडियो हेर्दै हुनुहुन्छ वा प्रस्तुतीकरण भइरहेको छ भने, सोहि अवधिमा स्क्रिन सेयरिंग मार्फत समूह कलमा जोडिएको व्यक्तिहरूसँग शेयर गर्न सकिने छ । स्क्रिन सेयरिंगको यो सुविधा मोबाइल एपमा मात्र नभएर मेसेन्जर रुममा पनि प्रयोग गर्न सकिन्छ ।
