सेयर बजारमा उछाल, नेप्से ६℅ ले बढेर तेस्रो सकारात्मक सर्किट ब्रेकर पछि आइतबारका लागि कारोबार बन्द |
काठमाडौं । सेयर कारोबार आज आइतबारका लागि बन्द भएको छ । नेप्से ६℅ ले बढेपछि तेस्रो सकारात्मक सर्किट ब्रेकर लागेको हो । यसँसगै दिनभरका लागि सेयर कारोबार बन्द भएको छ । दोस्रो सर्किट लागेर खुलेको १ मिनेटभित्रै फेरि ६℅ ले बजार बढेपछि दिनभरका लागि कारोबार रोकिएको हो । अब बजार सोमबार बिहान ११ बजे खुल्नेछ ।
मौद्रिक नीति कारण सेयर बजारका लगानीकर्ता उत्साहित भएका हुन् । अधिकांश कम्पनीको सेयर भाउ बढेको छ । लगानीकर्ताको मनोविज्ञान निकै सकारात्मक भएको देख्न सकिन्छ । यसअघि आइतबार नै बजार खुलेको ६ मिनेटमा पहिलो सर्किट र २७ मिनेटमा दोस्रो सकारात्मक सर्किट लागेको थियो ।
