नेपाल आधुनिक मुलुकमा दर्ज ː प्रधानमन्त्री, ५९ शहरमा एकसाथ शुरु भयो फोरजी सेवा |
काठमाडौं । प्रधानमन्त्री केपी शर्मा ओलीले खुला दिशामुक्त नेपाल घोषणा र फोरजी सेवाको बिस्तार देशको गौरवका लागि ऐतिहासिक कार्य भएको बताएका छन्। नेपाल टेलिकमको फोरजी सेवा विस्तार गर्दै ओलीले देशको विकास र गौरव बढाउन सरकार दिरात खटिएर काम गरिरहेको बताए ।
सरकारलाई केही काम नगरेको भनेर कतिपयले भनेपनि वास्तविकता त्यस्तो नभएको उनको दाबी छ । कतिपयले हामिलाई कुरामात्र गर्ने सरकार भनेर आलोचना पनि गरेका छन्। हामिले परिणाममै काम देखाइरहेका छौं । हाम्रो नारा नै छ विकासको बाटोमा नेपाल हरेक दिन एक कदम अगाडि। यही क्रममा केहीदिन अघि खुला दिसामुक्त नेपाल घोषणा गर्यौे। आज फोरजी सेवाको विस्तारु उनले भने ।
खुला दिसामुक्त नेपाल घोषणा हुनु भनेको विश्व समुदायमा नेपालको परिचय स्थापित गर्ने एउटा औजार भएको उनको भनाइ थियो ।
३६ जिल्लाका ५९ शहरमा फोरजी
नेपाल टेलिकमले बुधबारबाट थप ३६ जिल्लाका ५९ शहरमा फोरजी र एलटीई सेवा सञ्चालनमा ल्याएको छ । प्रधानमन्त्री केपी शर्मा ओलीले सातै प्रदेशका मुख्यमन्त्रीसँग भिडियो फोरजीमार्फत कुराकानी गरेर सेवा शुभारम्भ गरे ।
तर, सेवा शुभारम्भ गर्न गरिएको भिडियो कलमा नै बोलेको नबुझिएपछि कार्यक्रम स्थलमा हाँसो चलेको थियो । काठमाडौं उपत्यका र पोखरामा फोर जी सेवा यसअघिदेखि नै सञ्चालनमा आएको थियो । अहिले बढी व्यावसायिक र व्यापारिक कारोवार हुने तथा बढी जनघनत्व भएका स्थान चयन गरेर फोरजी सेवा विस्तार गरिएको टेलिकमले बताएको छ ।
टेकिलमका प्रवन्ध निर्देशक डिल्लीराम अधिकारीकाअनुसार भ्वाइस ओभर एलटीई सेवा पनि सुचारु हुनेछ । टेकिलमले विस्तार गरेको फोरजीले टेलिकमको राजश्व बढाउन, ग्राहकलाई थप स्तरीय सेवा दिन र कम्पनीलाई बलियो बनाउन सघाउने उनले बताए ।
कार्यक्रममा टेलिकमका सञ्चालक समिति अध्यक्ष महेन्द्रमान गुरुङले यो सेवको विस्तार फोरजी मात्रै ननभएर फाइभजी सेवाका जग समेत भएको उल्लेख गरे । उनका अनुसार टेकिलमले डिजिटल पेमेन्ट गेटवेका रुपमा मोबाइकल मनी सेवा पनि थाल्न लागेको र त्यसका लागि कम्पनी दर्ता गर्न लागिएको जानकारी पनि दिए ।
उनले फोरजी सेवाको विस्तारले समग्र देशको अर्थतन्त्र र नागरिकको जीवनस्तर सुधार पनि सहयोप पुग्ने बताए । कार्यक्रममा बोल्दै सञ्चारमन्त्री गोकुलप्रसाद बास्कोटाले पछिल्लोपटक तोकिएको समयभित्रै मुख्य शहररुमा फोरजी सेवा विस्तार गर्न सकिएकोमा सन्तोष व्यक्त गरे । उनले सरकारी कम्पनी भएकाले नागरिलाई सस्तो र भरपर्दो सेवा दिन टेलिकममाथि दबाब रहेको भन्दै कम्पनीले त्यो चुनौतीलाई पार लगाउनुपर्ने बताए ।
कार्यक्रममा प्रधानमन्त्री ओलीले देशभर भएको फोरजी सेवाको सुरुआतले सरकार हरेक दिन एक् पाइला अघि बहिढरेको छ भन्ने पुष्टि भएको बताए । ‘हामीले भर्खरै देशलाई खुला दिशामुक्त घोषणा गरेर हाम्रो सभ्यता देखायौं, आज फोरजी सेवा सुरुआत गरेर प्रविधिमा गरिएको विकासलाई दर्शायौं,’ उनले भने, ‘सरकार हरेक दिन एक कदम अघि बढेर काम गर्दैछ भन्ने उदाहरण यही हो ।’
माघसम्म देशभर
फोरजी र एलटीई सेवा आगामी माघसम्म देशका सबै भागमा विस्तार गर्ने लक्ष्य टेलिकमले राखेको छ । गत माघमा सम्झौता भए बमोजिम नै एक वर्षभित्र देशभर उक्त सेवा पुर्यागउने लक्ष्य साथ काम भइरहेको टेलिकमले जनाएको छ ।
यो सेवा विस्तारका लागि टेलिकमले १८ अर्ब खर्चिएको छ । ‘डिजिटल नेपाल’को अवधारणालाई सार्थक बनाउन फोरजी सेवालाई महत्वका साथ सुरु गरिएको छ ।
फोरजी सेवाका लागि आवश्यक पर्ने ‘कोर नेटवर्क’ र ‘रेडियो एक्सेस नेटवर्क’ जडानका लागि चिनियाँ कम्पनी जेडटिई कर्पोरेशन र हङकङको सिसिएसआई कम्पनीसँग गत माघमा सम्झौता भएको थियो । टेलिकमले यसअघि २०७३ साल पुस १७ गतेदेखि काठमाडौं र पोखरामा फोरजी सेवा उपलब्ध गराएको थियो ।
नेपाल टेलिकमले यो सेवा ८०० मेगाहर्ज र १८०० मेगाहजको फ्रिक्वेन्सीमा चलाएको छ । अब २३०० मेगाहर्ज पनि फोरजीका लागि उपयोग गरिनेछ । टेलिकमले यो सेवालाई ‘एलटीई ए’ अर्थात आधुनिक एलटीई भनेको छ । यसमा अधिकतम् २४७ एमबीपीएसको गतिमा डाटा सेवा प्राप्त हुन्छ । औसतमा यस्तो गति १३० एमबीपीएस रहेको टेलिकमको दाबी छ ।
कसरी लिने सेवा ?
नयाँ विस्तार भएका स्थानमा ग्राहले यो सेवा पाउन सुरुमा सेवा दर्ता गर्नुपर्छ । हाल टुजी र थ्रीजी नेटवर्कमा सिम चलाइरहेका ग्राहक ८द्धद्धद्ध३ डायल गरी फोरजी नेटवर्कमा आबद्ध हुन सक्नेछन् ।
ग्राहकले ८द्धद्धद्ध३ डायल गर्दा आफ्नो सिम फोरजी सेवाका लागि परिवर्तन गर्नुपर्ने वा नपर्ने थाहा पाउन सक्नेछन् । यो नम्बरमा रिक्वेस्ट गर्दा फोरजी सेवा एक्टिभ नहुने अवस्थाको सिम भए नयाँ लिन अनुरोधसहित नोटिफिकेशसन आउनेछ ।
र, ग्राहकले नजिकैको टेलिकमको ग्राहक सोव केन्द्रमा गएर सिम परिवर्तन गर्न सक्नेछन् । यस्तो सिम लिँदा ग्राहकले एक रुपैयाँ पनि पैसा तिर्नुनपर्दैन । पहिलोपटक फोरजीरएलटीई नेटवर्कमा रजिष्टर हुने ग्राहकलाई २ दिनको समयावधिसहितको २ सय एमबी डाटा बोनसको रुपमा उपलब्ध हुने टेलिकमले जनाएको छ ।
फोरजी एलर्टी सेवा सञ्चालन भएका जिल्लाहरु
१ धनकुटा २. झापा ३. मोरङ ४. सुनसरी ५. बारा ६. चितवन ७. धादिङ ८. धनुषा ९. दोलखा १०. काभ्रेपलाञ्चोक ११. महोत्तरी १२. मकवानपुर १३. नुवाकोट १४. पर्सा १५. रामेछाप १६. रसुवा १७. रौतहट १८. सर्लाही १९. सिन्धुली २०. वाग्लुङ २१. कपिलवस्तु २२. म्याग्दी २३. नवलपरासी २४. पाल्पा २५. पर्वत २६. रुपन्देही २७. बाँके २८. बर्दिया २९. दाङ ३०. सुर्खेत ३१. कैलाली ३२. कञ्चनपुर ३३. तनहुँ ३४. मुस्ताङ ३५. लमजुङ ३६. सप्तरी
शहरहरु
१. भीमदत्त २. झलारी पिप्लाडी ३. अत्तरिया ४. धनगढी ५. चौमाला ६. मसुरिया ७. सुख्खड ८. लम्की ९. टिकापुर १०. सुर्खेत ११. गुलरिया १२. कोहलपुर १३. नेपालगञ्ज १४. घोराही १५. लमही १६. तुलसीपुर १७. बेनी १८. कुस्मा १९. बागलुङ २०. तानसेन २१. लुम्बिनी २२. भैरहवा २३. मंगलापुर २४. बुटवल २५. मुर्गिया २६ सुनवल २७. देवदह २८. परासी २९. वर्दघाट ३०. भरतपुर ३१. टाँडी ३२. सौराहा ३३. धादिङ ३४. विदुर ३५. धुन्चे ३६. बनेपा ३७. धुलिखेल ३८. पनौती ३९. हेटौंडा ४०. सिमरा ४१. वीरगञ्ज ४२. कलैया ४३. चरीकोट ४४. मन्थली ४५. सिन्धुपाल्चोक ४६. गौर ४७. मलंगवा ४८. जलेश्वर ४९. जनकपुर ५०. धनकुटा ५१. धरान ५२. इटहरी ५३. इनरुवा ५४. विराटनगर ५५. दमक ५६. विर्तामोड ५७. चन्ऽगढी ५८. बेसीशहर ५९. भारदह
