गणपतिको माइक्रोफाइनान्सको आईपीओ भोलिदेखि खुल्दै |
काठमाडौं । रसुवागढी, साञ्जेन, नेपाल एग्रोलगायतका कम्पनीको बजारमा आईपीओ खुलिरहेका बेला भोलिदेखि अर्को कम्पनीको पनि आईपीओ खुल्ने भएको छ ।
वैशाख ९ गते सोमबारदेखि गणपति माइक्रोफाइनान्सको पनि आईपीओ खुल्ने भएको हो । कम्पनीले सर्वसाधारणका लागि ३ लाख १३ हजार ७५ कित्ता आईपीओ निष्काशन गर्दै छ । उक्त आईपीओमा न्यूनतम १० कित्तादेखि अधिकतम १५ सय कित्तासम्म आवेदन दिन सकिन्छ ।
यो आईपीओ छिटोमा वैशाख १२ गते र ढिलोमा जेठ ७ गतेसम्म बन्द हुनेट । ७ करोड रुपैयाँ चुक्ता पुँजी रहेको कम्पनीको आईपीओ पश्चात चुक्ता पँुजी १० करोड ३५ लाख पुग्नेछ । कम्पनीको प्रतिशेयर नेटवर्थ गत आर्थिक मसान्तसम्म ७७ दशमलव ७३ रहेको छ ।
कुल ३ लाख ३५ हजार कित्ता आईपीओमध्ये ५ हजार १६७ कित्ता कर्मचारी र १६ हजार ७५० कित्ता सामूहकि लगानी कोषलाई छुट्टाइएको छ ।
