अब टीभीएसका बाईक र स्कुटर दराजमा पनि पाईने |
काठमाडौं । अन्तरराष्ट्रिय स्तरमा प्रसिद्व दुइ पाङग्रे सवारीको उत्पादक टीभीएस बाईक र स्कुटर दराजमा पनि पाईने भएको छ । नेपालमा वस्तु तथा सेवाको विद्युतीय कारोबार प्रणालीको दराज ग्रुप, दक्षिण एसियाका देशहरु पाकिस्तान, बंगलादेश, नेपाल, श्रीलंका र म्यानमारमा सेवा दिँदै आएको कम्पनीले जानकारी दिएको छ ।
१० अप्रिलमा जगदम्बा मोटर्सका भाईस प्रेसिडेन्ट दिपक अग्रवाल र दराज अनलाईनका व्यवस्थापकीय निर्देशक लिनो एलेरिङ्बिच भएको एउटा सम्झैता अनुसार अब दराज अनलाईनबाट टीभीएसका मोटरसाईकल र स्कुटरहरु खरिद गर्न सकिने छ ।
नयाँ बर्षको सुरुवातमा ल्याईएको यस अफरमा काठमान्डौंका ग्राहकहरुले दराजबाट कुनै पनि टीभीएसका बाईक वा स्कुटर किन्दा १० हजार रुपैयाँ को छुट पाउने छन् । सिमित अबधिको लागि दिईएको छुट पहिलो १०० जना ग्राहकहरुका लागि मात्र लागू हुनेछ ।
अनलाईन ब्यापारको माहोल राम्रो बन्दै गएको नेपालमा बाईकहरु पनि अनलाईनबाट किन्न पाउनु नौलो प्रयोग हुनेछ । यसको व्यापकता आउने दिनहरुले देखाउने नै छन् ।
