दक्षिणकालीबाट रत्नपार्क आउँदै गरेको बस दुर्घटना हुँदा ३५ घाइते, ३ को अवस्था गम्भीर |
काठमाडौं । काठमाडौंको दक्षिणकालीबाट रत्नपार्कतर्फ आउँदै गरेको बस बिहान ६ː३० बजे दुर्घटनामा परेको छ । ना ३ ख १४४४ नम्बरको यात्रुवाहक बस चाल्नाखेल नजिकै दुर्घटना भएको हो । दुर्घटनामा ३५ जना घाइते भएका छन् भने ३ को अवस्था गम्भीर छ ।
प्रहरी कार्यालय, फर्पिङका अनुसार घाइतेहरूलाई मनमोहन र वयोधा अस्पताल पठाइएको छ । १ जना घाइतेलाई भने मनमोहन अस्पतालले ट्रमा सेन्टरमा रिफर गरेको बताइएको छ ।
बस घुम्ती सडकमै पल्टिएको छ । सडकमै पल्टिए पनि सवारी आवागमनमा भने बाधा नपुगेको प्रहरीले जानकारी दिएको छ ।
दुर्घटनाको कारण नखुलेको र चालक फरार रहेको प्रहरी कार्यालयले जानकारी दिएको छ ।
