भार्गव विकास बैंकले बोलायो साधारण सभा, ६ प्रतिशत नगद लाभांश दिने |
काठमाडौं । भार्गव विकास बैंकले लाभांश पारित गर्न ११ औं वार्षिक साधारण सभा बोलाएको छ । बैंक सञ्चालक समितिले प्रस्ताव गरेको हाल कायम चुक्ता पूँजीको ६ प्रतिशत नगद लाभांश पारित गर्न चैत ३० गते विहान १० बजे, नेपालगञ्जको भ्यु होटल सिद्धार्थमा साधारण सभा बोलाएको हो ।
साधारण सभामा उपयुक्त बैंक तथा वित्तीय संस्थामा मर्जर तथा प्राप्तीमा जान सञ्चालक समितिलाई सम्पूर्ण अख्यिारी प्रदान गर्ने प्रस्ताव पारित गर्ने तयारी गरेको छ ।
यस्तै कम्पनीको प्रबन्धपत्र र नियमावलीमा संशोधन सम्बन्धी संशोधन गर्न विषेश प्रस्ताव पेश गर्ने भएको छ ।
बैंकले साधारण सभा प्रयोजनको लागि चैत २२ गते बुक क्लोज गर्ने जानकारी दिएको छ । त्यस अनुसार चैत २१ गते सम्म कायम शेयरधनीले लाभांश पाउनेछन् ।
