दुर्घटनामा घाइते भएका दाङ प्रदेशसभाका सांसद् वलीको निधन |
काठमाडौं । प्रदेश नम्बर ५ का प्रदेशसभा सदस्य उत्तरकुमार वलीको निधन भएको छ । सडक दुर्घटनामा परी घाइते वलीको उपचारका क्रममा शुक्रबार बिहान ३ बजे निधन भएको हो ।
मेडिसिटी अस्पतालमा उपचाररत ओलीको शुक्रबार बिहान निधन भएको जानकारी अस्पतालले दिएको छ । माघ २३ गते लमही–घोराही सडक खण्डको चिसापानीमा सवारी दुर्घटनामा परी वली गम्भीर घाइते भएका थिए , लगत्तै उनलाई उपचारका लागि काठमाडौं ल्याइएको थियो ।
तत्कालीन एमालेको तर्फबाट उम्मेदवार बनेका ओली दाङ क्षेत्र नं ३ (ख) बाट प्रदेशसभामा निर्वाचित भएका थिए । उनी दंगीशरण गाउपालिकाको श्रीगाउँका स्थायी बासिन्दा हुन् ।
