कामना सेवा विकास बैंकको सीईओमा बस्नेत नियुक्त, १८ वर्षको अनुभव |
काठमाडौं । कामना सेवा विकास बैंकको प्रमुख कार्यकारी अधिकृत पदमा प्रविण बस्नेतलाई नियुक्त गरिएको छ । चार्टर्ड एकाउन्टेन्ट बस्नेतलाई बैंक संचालक समितिको २६५ औं बैंठकले फागुन १ बाट लागु हुने गरी सीईओमा नियुक्त गरेको हो ।
बैंकिङ क्षेत्रमा १८ वर्ष अनुभव भएका बस्नेतले १३ वर्ष विभिन्न वाणिज्य बैंकहरूको महत्वपूर्ण जिम्मेवारी सम्हालेका छन् । २०७५ भदौ १ गते देखि भने सोही बैंकमा नायव प्रमुख कार्यकारी अधिकृत पदमा प्रवेश गरेको बस्नेत मंसिर ८ गते देखि कामु प्रमुख कार्यकारी अधिकृतको रूपमा रहँदै आएका थिए ।
बस्नेतले यस अघि भने नविल बैंक, एनबी बैंक, एनआईसी एशिया, र माछापुच्छे« बैंकमा काम गरिसकेका छन् । बैंकले ६४ शाखा तथा १७ एटीएम मार्फत सेवा प्रदान गर्दै आईरहेको छ ।
