नूबिया फोनले २५ सयसम्म मूल्य घटायो |
काठमाडौं । नूबियाले आफ्नो फोनहरुको मूल्य घटाएको छ । नूबिया फोनको नेपालका लागि आधिकारीक बितरक आइटीपी नेपाल प्रालिले चार मोडलहरु जेड १७ मिनी, जेड १७ लाइट, जेड १७ मिनी एस र भी १८ स्मार्टफोनको अधिकतम बजार मूल्य घटाएको हो ।
कम्पनीले जेड १७ मिनी स्मार्टफोनको मूल्य घटाउँदै २३ हजारमा झारेको छ । यसअघि साढे २४ हजार रुपैयाँ थियो ।
जेड १७ लाइटको मूल्यमा पनि २ हजारले घटाउँदै २६ हजार ५ सयमा झारेको छ । नूबिया जेड १७ मिनी एसको नयाँ मूल्य २८ हजार कायम भएको छ । पुरानो मूल्य २९ हजार ५ सय थियो । नूबिया भी १८ स्मार्टफोनको मूल्यमा २५ सयले घटाएर २५ हजार कायम गरेको छ ।
