ओट्टोको रबल आर५ आयो नेपालमा |
काठमाडौं । ओट्टो फोनले हालै आफ्नो नयाँ स्मार्ट फोन रबल आर५ नेपाली बजारमा सार्वजनिक गरेको छ । कम्पनीले ओट्टो फ्र्याङ्क सिरिजअन्तर्गत ओट्टो फ्र्याङ्क ७ पछि यो स्मार्ट फोन नेपाली बजारमा भित्र्याएको हो ।
कम्पनीले नेपाली बजारमा रबल आर५को शुरूवातसँगै केही नयाँ अरु स्मार्टफोन पनि ल्याइएको जानकारी दिएको छ । एन्ड्रोइड ८.१गो इडिशन सिरिज फुल भ्यू डिस्प्लेसहित २५डी कभर्ड डिस्प्ले भएको गुणस्तरीय बजेटमा यो स्मार्ट फोन उपलब्ध गराएको बताएको छ ।
कम्पनीका अनुसार ओट्टो रबल आर५मा ५ इन्चको डाइनामिक डिस्प्लेसहित २ं५डी कभर्ड ग्लास फुल भ्यू स्क्रीन रहेको छ । उत्कृष्ट डिजाइनमा उपलब्ध यो फोनमा ५ मेगापिक्सेल रियर क्यामेरा र २ मेगापिक्सेल अगाडिको क्यामेरा जडान गरिएको छ । यो स्मार्ट फोन गोल्ड ब्ल्याक र ब्ल्याकमा बजारमा उपलब्ध छ ।
