घलेम्दी हाईड्रो लिमिटेडको शेयर व्यबस्थापनमा भिबोर क्यापिटल नियुक्त |
काठमाडौं । घलेम्दी हाइड्रो लिमिटेडको शेयर ब्यबस्थापनमा भिबोर क्यापिटल लिमिटेड नियुक्त भएको छ ।
घलेम्दी हाइड्रो लिमिटेडका तर्फबाट संचालक नारायण बाबु अधिकारी र भिबोर क्यापिटल लिमिटेडको तर्फबाट प्रमुख कार्यकारी अधिकृत सौरभ तिमिल्सिनाले सो सम्बन्धी सहमतीपत्रमा हस्ताक्षर गरेका हुन ।
घलेम्दी हाइड्रोले हालसालै १५ लाख ३३ हजार ७७० कित्ता सर्वसाधारण शेयर (आइपीओ) निश्कासन गरी माघ १ गते बाँडफाँड गरेको थियो ।
सहमतीसंगै उक्त कम्पनीको साधारण शेयर सुचिकरण भए पश्चात धितोपत्र केन्द्रीय निक्षप सेवा नियमावली, २०६७ को नियम २४(७) बमोजीम शेयर सोझै हितग्राही खातामा जम्मा हुने कम्पनीले जानकारी दिएको छ ।
