तामाकोशीको आईपीओ भरेर फिर्ता रकम खातामा नआएका स्थानीयलाई चेकबाट भुक्तानी |
काठमाडौं । माथिल्लो तामाकोशी हाइड्रोपावरले विभिन्न समस्याका कारण सिधै बैंक खातामा रकम नपाउने आवेदकलाई पुस १ गते (आज) देखि चेकबाट रकम फिर्ता दिन थालेको छ ।
यसका लागि दोलखाबाट आवेदन दिएका आवेदकलाई आवेदन दिएकै बैंक तथा वित्तीय संस्थामा गएर चेक मार्फत रकम फिर्ता लिन सकिने र काठमाडौंबाट आवेदन दिनेले सनराईज क्यापिटल मार्फत भुक्तानी लिनुपर्नेछ ।
यसअघि स्थानीयबासीलाई निष्काशन गरेको साधारण शेयर बाँडफाँडमा नपरेको रकम बिक्री प्रबन्धकले अन्तरबैंक पेमेन्ट सिस्टम (आईपिएस) मार्फत सिधै आवेदकको खातामा पठाइसकेको छ । विविध समस्याका कारण बेंक खातामा फिर्ता भसक्तानी नपाउने आवेदनलाई चेक मार्फत भुक्तानी थालिएको सनराइज क्यापिटलले जनाएको छ ।
माथिल्लो तामाकोशीले आयोजना प्रभावित स्थानीयलाई साउन १६ गतेदेखि भदौ २१ गतेसम्म एक करोड ५ लाख ९० हजार कित्ता आइपीओ बिक्री गरेको थियो ।
