सीटीसी मोबाइल हब मंसिर २० गतेदेखि शुरु हुदै | मोबाइल एक्सचेञ्जसँगै ल्यापटप, क्यामेरा एप्पलका ग्याजेट्स किस्ताबन्दीमा पाइने
काठमाडौं । ग्याजेट पारखीहरुले किस्ताबन्दीमा आफुलाई मन परेको मोबाइल, ल्यापटप, क्यामेरा तथा एप्पलका आईफोन, आइप्याड, म्याक लगायतका उत्पादन किस्ताबन्दीमा किन्न पाउने भएका छन् । सीटीसी मल सुन्धारामा रहेको सीटीसी मोबाईल हबले मंसिर २० गतेदेखि सञ्चालन गर्ने मोबाइल तथा ल्यापटप मेलामा यस्तो सुविधा दिने भएको हो ।
मोबाईल एक्सचेञ्ज अफरका साथै एउटा मोबाइल किन्दा अर्को एउटा सित्तैंमा अफर मेलाको आकर्षण बन्ने मोबाइल हबले जानकारी दिएको छ । ९ हजार ९ सय ९९ रुपैंयादेखि २ लाख ३४ हजार रुपैंयासम्मका मोबाइल किन्न सकिने हबमा ११ हजार रुपैंयादेखि ३ लाख १५ हजार रुपैंयासम्मका ल्यापटप, आइप्याड, म्याक बुक लगायतका सामान किन्न सकिन्छ ।
‘मेलामा जस्तो सुकै पुरानो मोबाईलको पनि उचित मूल्य पाउनुका साथै सट्टा पट्टा पनि गर्न सकिन्छ ।’ सिटीसी मोबाईल हबका प्रबन्धक जीबन श्रेष्ठले भने । ‘मेलामा विश्व बजारमा पाइने सबै ब्राण्डका मोबाईल, ल्यापटप ,क्यामेरा ,र म्याक किस्ताबन्दीमा किन्न सकिन्छ ।’
मेलामा विशेष छुटमा ग्याजेट्स किन्न सकिनेछ । ६० मिनटमा फेस टू फेस मोबाइल मर्मतको सेवा पनि मेलामा पाइने छ । निशुल्क पार्किङको व्यवस्था गरेको हबले अवलोकनकर्तालाई लक्की ड्र बाट आकर्षक उपहार वितरण गर्नेछ ।
मेलामा राखिएको गल्फमा ३ स्कोर गर्नेले मोबाइल किन्दा ५० प्रतिशत छुट पाउने छन् भने ४ स्कोर गर्नेले आफुले खरिद गरेको अर्को एउटा सामान सित्तैंमा पाउने छन् । मंसिर २० गते शुरु हुने मेला १५ दिनसम्म चल्नेछ ।
सामसङ, ब्ल्याकबेरी, ओप्पो, भिभो, वान प्लस, नोकिया, कलर्स, एमआई, सोनी, एप्पल, कुलप्याड, लेनोभो, हुवावे ब्राण्डका मोबाइलका साथै एचपी, लेनोभो, एमआई , डेल र एप्पलका ल्यापटप, म्याकबुक आईप्याड मोबाइल हबको आकर्षण रहने छन् ।
