एसईई परीक्षा चैत १० गतेदेखि, हेर्नुहोस् समयतालिकासहित |
काठमाडौं । यस वर्षको माध्यमिक शिक्षा परीक्षा (एसईई) आगामी चैत १० गतेबाट शुरू हुने भएको छ । राष्ट्रिय परीक्षा बोर्डले यस वर्षको परीक्षा १० चैतबाट सञ्चालन गर्ने गरी सबै विषयको परीक्षा तालिका सार्वजनिक गरेको हो ।
उक्त तालिकाअनुसार अनिवार्य अंग्रेजी विषयको परीक्षा पहिलो दिन हुनेछ । प्राविधिक धारको समेत गरी २१ चैतमा परीक्षा सम्पन्न हुनेछ । अघिल्लो वर्ष ८ चैतबाट एसईई परीक्षा सञ्चालन भएको थियो । गत वर्ष नियमित र एक्जाम्टेड गरी पौने ६ लाखको हाराहारीमा एसईईमा सहभागी भएका थिए । प्रश्नपत्र तयारी र नतिजा प्रकाशन केन्द्रबाट हुने बार्डले जानकारी दिएको छ ।
