रग्बी फेस्टिभल एण्ड लाइभ म्युजिकको आयोजना गरिदै |
काठमाडौं । नेपाल रग्बी एसोसियसनले फेम नेपालको आयोजनामा ‘रग्बी फेस्टिभल तथा लाइभ म्युजिक’ कार्यक्रमको आयोजना गर्ने भएको छ । उक्त कार्यक्रममा नेपाली संगीत तथा फिल्म क्षेत्रका २ दर्जन भन्दा बढी कलाकारले एउटै मञ्चबाट आफ्नो प्रस्तुती दिने भएका छन् । सो कार्यक्रम मङ्सिर २२ गते शनिवार टुँडिखेलमा हुनेछ । शो कार्यक्रममा वल्र्ड रग्बीको ट्रफी सार्वजनिक समेत गरिनेछ ।
सर्वसाधारणका लागि निशुल्क प्रवेश रहेको उक्त कार्यक्रममा २५,००० भन्दा बढी दर्शकको उपस्थिती रहने आयोजकको अनुमान रहेको छ । उक्त लाइभ शोमा अभिनेत्री स्वस्तिमा खड्का, गायक सुगम पोखरेल, प्रमोद खरेल, आशिष राना ‘लाउरे’, नितेश जंग कुवर, स्वप्न सुमन, एक्स ब्याण्ड, अभया एण्ड द स्टिम ब्याण्ड, डिजे सुरेन, डिजे कुइनलागायत २ दर्जन बढी कलाकारले आफ्नो प्रस्तुती राख्नेछन् ।
सन्दिप क्षेत्री र शुभेक्षा खड्काले संचालन गर्ने कार्यक्रम बिहान १० बजे देखी साँझ ७ बजे सम्म हुनेछ । कार्यक्रम स्थलमा स्टल राख्न चाहनेहरुका लागि स्टल बुकिङ समेत खुल्ला गरिएको आयोजकले जानककारी दिएका छन् ।
