सिद्धार्थ इन्स्योरेन्सको नाफा ४ करोड ६६ लाख |
काठमाडौं । सिद्धार्थ इन्स्योरेन्सले चालु आर्थिक वर्षको पहिलो त्रैमासमा ४ करोड ६६ लाख रुपैयाँ खुद नाफा गरेको छ । यस गत आर्थिक वर्षको यहि अवधिको तुलनामा ५४ लाख रुपैयाँले बढी हो । गत वर्ष ४ करोड १२ लाख रुपैयाँ खुद नाफा गरेको थियो ।
गत आर्थिक वर्षको पहिलो त्रैमासमा २५ करोड ७ लाख रुपैयाँ खुद बीमा शुल्क आर्जन गरेको कम्पनीले यस अवधिमा भने करिब २ करोड रुपैयाँले घटेको छ । समिक्षा अवधिमा कम्पनीले २३ करोड ३९ लाख रुपैयाँ खुद बीमा शुल्क आर्जन गरेको छ । चुक्ता पूँजी ८६ करोड २१ लाख रुपैयाँ रहेको कम्पनीले जगेडा कोषमा १६ करोड ८० लाख रुपैयाँ, बीमा कोषमा ५७ करोड ३७ लाख रुपैयाँ र महाविपत्ती कोषमा ८ करोड ३८ लाख रुपैयाँ संचित छ ।
कम्पनीले पुर्नबीमा कमिशन वापत ८ करोड ८८ लाख रुपैयाँ, लगानी कर्जा तथा अन्य आयवाट एक करोड ९७ लाख रुपैयाँ आम्दानी गरेको छ । कम्पनीले हाल सम्म ३८ हजार १४८ बीमालेख जारी गरी ५८ करोड ६३ लाख रुपैयाँ कुल बीमा शुल्क संकलन गरेको छ । यस अवधिमा ९ हजार ३३७ बीमालेख नवीकरण भएको छ ।
कुल एक हजार ४५५ दाबी वापत कम्पनीले २२ करोड २९ लाख रुपैयाँ भुक्तानी गरेको छ भने ३ हजार ४५ दाबी वापत ६५ करोड ८६ लाख रुपैयाँ भुक्तानी गर्न बाँकी छ । यसले चालू आवको पहिलो त्रैमाससम्ममा खुँद विमाशुल्क आर्जन २३ करोड ३९ लाख, पुनर्विमा कमिशन आयबाट ८ करोड ८८ लाख र अन्य लगानी तथा आयबाट १ करोड ९७ लाख कमाएको छ ।
