वासु थापा क्षत्री ‘लखपति एक्सप्रेस योजना’को पहिलो विजेता घोषित | ४३ जनाले पाए २ सयको टप अप, १५ जनाले जिते रू. १० हजार
काठमाडौं । सीटी एक्सप्रेसले सञ्चालन गरेको लखपति एक्स्प्रेस उपहार योजनाअन्तर्गत पहिलो महिनाको विजेता घोषणा गरेको छ । उक्त घोषणाअनुसार कोरियाको जीमनी ट्रान्स (सिटी एक्स्प्रेसको सहायक संस्था) बाट पैसा पठाउने वासु थापाक्षत्री पहिलो महिनाको विजेता बन्दै १ लाख रुपैयाँ जितेका छन् । कम्पनीले विद्युतीय लक्की ड्रमार्फत विजेता छनोट गरेको हो ।
उक्त नगद पुरस्कार कम्पनीमा आयोजित समारोहबीच कम्पनीेका प्रबन्ध निर्देशक चन्द्र टण्डनले वितरण प्रदान गरेका हुन् । लक्की ड्रमार्फत उपभोक्ताहरुले दैनिक रू. २०० को मोबाइल टप अप १२ जनाले जित्न सक्ने्, साप्ताहिक रुपमा तीन जना विजेताले रुरू. १० हजार र हरेक महिना लक्की ड्रमा विजयी हुने एक जनाले रू. १ लाख जित्ने कम्पनीले बताएको छ ।
कम्पनीका अनुसार उपहार योजनाको अन्त्यमा एक जना भाग्यशाली विजेताले बम्पर उपहार र सिटी एक्स्प्रेस मनी ट्रान्सफर प्रा.लि. १२औं वर्षमा प्रवेश गरेको उपलक्ष्यमा रू. १२ लाख जित्न सक्ने घोषणा गरिएको थियो । असोज १ गतेदेखि मंसिर २९ गतेसम्म लागू हुने यो उपहार योजनामा हालसम्म दैनिक उपहार योजनाअन्तर्गत ४३ जनाले रू. २०० को मोबाइल टप अप, साप्ताहिक रूपमा १५ जना विजेताले रू. १० हजार जितिसकेको कम्पनीले जानकारी दिएको छ ।
