ओयोद्वारा पोखरामा होटेल स्नोल्याण्डको शुरुवात | ४२ कोठा भएको होटेलसँगै आफ्नो उपस्थिती अझ बलियो बनाउँदै
पोखरा । दक्षिण एसियाकै सबैभन्दा ठुलो तथा संसारकै सबैभन्दा छिटो वृद्धी दर भएको ओयोको होटेल श्रृंखलाले पोखरामा होटेल स्नोल्याण्डको उद्धघाटनसँगै आफ्नो विशिष्ठ कोठाहरुको सङ्ख्या ५०० पुर्याएको छ । ४२ कोठा भएको यो होटेलको उद्घाटन पोखरा महानगरपालिकाका प्रवक्ता धनबहादुर नेपालीबाट एक भव्य समारोह बिच भएको थियो ।
पोखरा प्रीमियर लिगको हस्पिटालिटि पार्टनर रहेको ओयोको यस होटेलले सो समयमा सयौं ग्राहकहरुलाई आथित्य प्रदान गर्नेछ । उचित मूल्यमा नयाँ प्रविधीबाट सन्चालित एउटा सुन्दर बस्ने ठाउँको आफ्नो मिसन अनुरुप ओयोले यो विस्तार गरेको हो ।
उद्घाटन कार्यक्रममा बोल्दै पोखरा महानगरपालिकाका प्रवक्ता धनबहादुर नेपालीले भने, ʽओयोकोे नेपालमा होटेल संचालनको यस यात्रामा सहभागी हुँदै आज मैले होटेल स्नोल्याण्डको उद्घाटन गर्ने मौका पाएकोमा म एकदमै हर्षित छु । ओयो उद्यमशीलताको भावना र इनोभेशनको एउटा रोचक कथा हो र यो नयाँ उद्घाटनले देशमा प्रौद्योगिक र आतिथ्य क्षेत्रमा ठूलो विकास ल्याउनेछ । म ओयोको पूरै टीमलाई नेपालमा आफ्नो यात्राको लागि शुभकामना दिन चाहन्छु ।ʼ
नेपालका लागि ओयोका कन्ट्री हेड निशिध हलानिले भने, ʽनेपालमा ओयोको शुरुवात अप्रिल २०१७ बाट गरिएको थियो र सुरुवातदेखि नै हाम्रो आतिथ्यमा राम्रो प्रतिक्रिया पाएका छौं । ओयोमा हामी होटल मालिकसँग मिलेर काम गर्छौ, जसमा उनीहरुलाई प्रविधिको माध्यमसंगै अझै राम्रो आतिथ्य कसरी प्रदान गर्ने भन्ने बारेमा सहयोग गर्ने गरेका छौं ।ʼ
हालको लन्चसंगै पोखरामा ओयोका कोठाहरू संख्यामा ५०० पुगिसकेका छन् । नेपालभरि ८० भन्दा बढी होटलहरूको साथ साझेदारी गरिसकेको ओयोका १४ सयभन्दा बढि आरामदायी, आधुनिक सुविधायुक्त, एयरकंडीशनिंग, निस्शुल्क वाई फाई, टेलिभिजन र ७ दिन २४ घन्टाकै सुविधायुक्त कोठा कम्तिमा प्रति रातको ९ सय रुपेयाँदेखि २ हजार रुपैयाँमा उपलब्ध छन् । यो कम्पनी पोखरा प्रिमियर लीगको लागि आधिकारिक आतिथ्य साझेदार पनि हो र खेलाडी तथा अतिथिलाई यस शहरका ओयो होटेलहरुमा आतिथ्य पनि गरिनेछ ।
