फोर्डद्वारा एकै दिनमा १०० वटा गाडी हस्तान्तरण |
काठमाडौं । फोर्डले आफ्ना ग्राहकको माग पूरा गर्न एकै दिनमा १ सय वटा नयाँ गाडीहरु आफ्ना ग्राहकहरुलाई हस्तान्तरण गरेको छ । आफ्ना ग्राहकहरुले यो चाडपर्व फोर्डको नयाँ गाडीसँग मनाउन पाउन भन्ने उद्देश्यले एकै दिनमा १०० वटा नयाँ गाडी हस्तान्तरण गरेको हो ।
बजारमा फोर्ड गाडीको उच्च माग छ र घटस्थापनाको शुभ दिनमा कम्पनीले नेपालभरीका आफ्ना डिस्ट्रिव्यूटर्सहरुको माध्यमबाट १०० वटा गाडीहरुको हस्तान्तरण गरेको छ । जसमध्ये १० वटा विराटनगर, ४ वटा पोखरा, ३ वटा नारायणघाट, ६ वटा वुटवल, १५ वटा नेपालगंज, ३ वटा धनगढी, ८ वटा विर्तामोड, १ वटा दांग, २ वटा बनेपा, ३ वटा जनकपुर, ४ वटा भैरहवा, १० वटा वीरगंज र ३१ वटा काठमाडौमा हस्तातरण गरिएको हो ।
ग्राहकहरुले फोर्ड गाडीको खरिदमा फोर्ड फेस्टिभ अफर मार्फत उपहारहरु पनि पाएका छन् । यस अफरमा ग्राहकवर्गले फोर्ड गाडीको खरिदमा विशेष नगद छुटको साथै ५० हजार देखि २ लाख ५० हजार रुपैयाँ बराबरको पक्का उपहार पाउने छन् । साथै बम्पर लक्की ड्र मार्फत ५ भाग्यशाली जोडीले स्वीट्जरल्याण्डमा ४ रात ५ दिनको टूर प्याकेज जित्ने अवसर पनि पाउने छन् ।
