सनराइज बैंकका विभिन्न स्थानमा ४ नयाँ शाखा सञ्चालनमा |
काठमाडौं । सनराइज बैंक लिमिटेडले विभिन्न स्थानमा आफ्ना नयाँ शाखा सञ्चालनमा ल्याएको छ । बैंकले आफ्ना ग्राहकहरूलाई उच्चस्तरीय सेवा, सुविधा उपलब्ध गराउने अभिप्रायले सिराहाको मिर्चैया र रामेछापको प्रीतिमा नयाँ शाखा सञ्चालनमा ल्याएको हो ।
मिर्चैया शाखाको आइतवार मिर्चैया नगरपालिकाका मेयर श्रवणकुमार यादव र जिल्ला उद्योग वाणिज्य संघका प्रथम उपाध्यक्ष अशोककुमार शाह तथा प्रीति शाखाको उमाकुण्ड गाँउपालिकाका अध्यक्ष शेरबहादुर सुनुवारले उद्घाटन गरेका हुन् ।
त्यसैगरी, बैंकले गतशुक्रवार काभ्रेको महाभारत गाँउपालिका र खोटाङको बराहपोखरी गाउँपालिकामा पनि नयाँ शाखा विस्तार गरेको छ । महाभारत शाखाको महाभारत गाउँपालिकाका अध्यक्ष कान्छालाल जिन्दा तथा बराहपोखरी शाखाको उद्घाटन बराहपोखरी गाउँपालिकाका अध्यक्ष शालिग्राम बन्जारा र उपाध्यक्ष गोमा मगरले संयुक्त रूपमा गरेका हुन् ।
