वैदेशिक रोजगारीबाट फर्किनेलाई सिटी एक्सप्रेसको ‘निःशुल्क बस सेवा’ | बसले विमानस्थलबाट रिङरोड परिक्रमा गर्ने
काठमाडौं । सिटी एक्सप्रेस मनी ट्रान्सफरले नेपालीहरुको महान् चाड दशैंलाई लक्षित गरी असोज १७ देखि २३ गतेसम्म सातदिने ‘निःशुल्क बस सेवा’ शुरू गरेको छ । उक्त सेवाको उद्घाटन कम्पनीका प्रबन्धनिर्देशक चन्द्र टण्डन, कम्पनीका ब्राण्ड एम्बेस्डर सीताराम कट्टेल (धुर्मुस) र नेपाल आइडल सिजन २ का ११ जना टप फाइनलिस्टहरूले संयुक्त रूपमा गरेका हुन् ।
कम्पनीले यस्तो सेवा वैदेशिक रोेजगारीका लागि विदेशिने नेपालीलाई लक्षित गरी दशैं मनाउन स्वदेश फर्किएका दाजुभाइ तथा दिदीबहिनीहरूलाई सहयोग पुगोस् भन्ने उद्देश्यले सञ्चालन गरिएको कम्पनीले जानकारी दिएकोे छ । यो निःशुल्क बस सेवा त्रिभुवन अन्तरराष्ट्रिय विमानस्थलबाट शुरू भई रिङरोड परिक्रमा गर्नेछ ।
