सिजीले ल्यायो ३६ प्रतिशतसम्म क्यासब्याक अफर |
काठमाडौं । इलेक्ट्रोनिक्स ब्राण्ड सिजीले दशैंतिहार तथा छठलाई लक्षित गर्दै “यसपालीको चाडमा, सिजी लाग्यो घरघरमा” नामक नयाँ उपहार योजना ल्याएको छ ।
उपहार योजनाअन्तर्गत अव ग्राहकहरुले सिजी ब्राण्डका विभिन्न इलेक्ट्रोनिक्स सामानहरुको खरिदमा १० वर्षसम्मको वारेन्टी उपलब्ध हुने छ । यसैगरी ३६ प्रतिशत सम्मको क्यासब्याक तथा अन्य विभिन्न पक्का उपहारहरु प्राप्त हुने बताइएको छ ।
हरेक हप्ता सिजीकै रेफ्रिजरेटर तथा सिजीकै टेलिभिजन जित्नुका साथै बम्पर उपहारमा एक जोडीलाई थाईल्याण्ड घुम्ने अवसर पनि मिल्ने छ । योजनाअन्तर्गत ग्राहकहरुले सिजी ब्राण्डका टेलिभिजनहरुको खरिदमा ३ वर्ष सम्मको वारेन्टी, सिजी ५.१ स्पिकर लगायत सिजी २.१ स्पिकर प्राप्त हुने छ ।
सिजी ब्राण्डका रेफ्रिजरेटरहरुको खरिदमा ६० महिनाको वारेन्टी, २१ प्रतिशतसम्म क्यासब्याक लगायत इन्टेक्स फिटरिस्ट घडि पाउन सकिने छ । सिजी ब्राण्डका वाशिङ मेशिनहरुको खरिदमा १० वर्षसम्मको वारेन्टी, इन्टेक्स फिटरिस्ट वाचलगायत ५ किलोग्राम एरियल डिटरजेन्ट पाउडर प्राप्त हुने छ । सिजी ब्राण्डका अन्य थुप्रै इलेक्ट्रोनिक्स प्रोडक्टहरुमा पनि यस्तै आकर्षक पक्का उपहारहरु रहेको विज्ञप्तिमा उल्लेख छ ।
