फ्लाई इन नेपाल डटकमबाट आन्तरिक हवाई टिकटको अनलाइन बुकिङ | इसेवा र कार्डबाट भूक्तानी
काठमाडौं । आन्तरिक हवाई टिकटका लागि अब ट्राभल एजेन्सी पुग्नु नपर्ने भएको छ । अनलाइनमार्फत टिकट बुकिङ गरेर चाहेको बेलामा हवाई यात्रा गर्न सकिने भएको छ ।
फ्लाई इन नेपाल डटकम (flyinnepal.com) ले अनलाइनबाट हवाई टिकट किन्न सकिने व्यवस्था गरेको हो । पर्यटन क्षेत्रमै लागेका युवा सुमन घिमिरे लगायतको समूहले यो अनलाइन संचालनमा ल्याएको हो । घिमिरे क्षेत्रीय होटल संघ सौराहाका अध्यक्ष एवं जंगल सफारी लजका संचालक समेत हुन्। । अनलाइनबाट बुकिङ गरेपछि पैसा सहज रुपमा तिर्न सकिन्छ ।
कम्पनीले इसेवा र विभिन्न बैंकका डेविट र क्रेडिट कार्डबाट भूक्तानी गर्न सकिने व्यवस्था गरेको छ । कम्पनीको क्यान्सिलेशन पोलिसी अनुसार यस्तो शुल्क बुकिङ भ्यालु र क्यान्सिलेशन समयका आधारमा रकम फिर्ता दिइने जानकारी दिएको छ । कुनै कारण टिकट रद्ध गर्न परेमा समय र भ्यालुका आधारमा पैसा फिर्ता गरिने बताइएको छ । कम्पनीको कस्टुमर हेल्प डेक्सको ४४४४९९९ फोन नम्बरमा फोन गरेर रकम तत्काल फिर्ता लिन सकिन्छ ।
