ईटहरीमै पहिलो पटक खुल्यो सेन्ट्रल प्लाजासपिङ्ग मल | सिनेमा हल सिनेफ्लिक्सको पनि शुभारम्भ
काठमाडौं । श्रेष्ठ ईन्टरटेनमेन्ट एण्ड हस्पीटालिटी प्रालिले ईटहरीको केन्द्रमा पहिलो आकर्षक सपिङ्ग मल सेन्ट्रल प्लाजा र अत्याधुनिक सुविधायुक्त उच्च गुणस्तरको सिनेमा हल सिनेफ्लिक्सको यही असोज ८ मा शुभारम्भ गरेको छ ।
सो समारोहमा प्रदेश नं. १ का मुख्य मन्त्री शेरधन राई, प्रमुख प्रतिपक्ष दलका नेता राजीव कोईराला, प्रमुख सचेतक बुद्धी कुमार राजभण्डारी, सभासदहरु सर्बध्वज साँँवा, लीलम बस्नेत, कुसुम श्रेष्ठको उपश्थिती थियो । त्यस्तै समारोहमा उपरथी समीर शाही पृतनापती पूर्व पृतना अद्दा इटहरी, सहायक रथी भरत पाठक, पूर्व पृतना अद्दा इटहरी, सुनसरीका प्रमुख जिल्ला अधिकारी प्रेम प्रकाश उप्रेति, इटहरी उप महानगरपालिका मेयर द्वारिका लाल चौधरी, सशस्त्र प्रहरी कार्यालयका प्रमुख डीआजी मन्दीप श्रेष्ठ, ट्राफिक प्रहरी कार्यालयका प्रमुख एसपी रबी कुमार पौडेल, इटहरी ईलाका प्रहरी कार्यालयका प्रमुख डीएसपी शिव कुमार श्रेष्ठ प्रमुख अतिथिको रुपमा सहभागी भएका थिए ।
कार्यक्रमको उद्घाटन समारोहमा श्रेष्ठ ईन्टरटेनमेन्ट एण्ड हस्पीटालिटी प्रालिका डाइरेक्टर राजेश श्रेष्ठले भने ूहामीलाई विश्वास छ पहिलो पटक ईटहरीमा खुलेको यस सिनेमा हल र सपिङ्ग मलले ईटहरीका दर्शकहरुलाई मनोञ्जनको उत्कृष्ट अनुभव गराउनेछू । बजारको आकर्षक स्थलमा रहेको १० तल्ले यस सपिङ्ग मलको ग्राउन्ड फ्लोर देखि तेस्रो तल्ला सम्ममा अन्तरराष्ट्रिय ब्रान्डको पसलहरु रहनेछन् । जहाँ सँसारका फेसन ट्रेन्डको थरिथरिका लुगाहरु पाइनेछ र भवनको चाँैथो तल्लामा फुड कोर्ट, गेमिङ्ग जोन र किड जोन रहनेछ ।
सिनेफ्लिक्स मल्टिप्लेक्स यो भवनको पाँचौ तल्लामा रहेको छ । ईटहरीमा पहिलो पटक बनाइएको लक्जरी मल्टिप्लेक्समा दुई वटा स्क्रिन रहेका छन् । २७० सीट क्षमताको उक्त मल्टिप्लेक्सको स्क्रिनहरुमा पछिल्ला सबै हिन्दी, नेपाली र अङ्गग्रेजी सिनेमाहरु थ्रीडीमा हेर्न पाइने छ । हलमा पाईने अत्याधुनिक प्रविधिको सुविधायुक्त फुल एयर कन्डिसन भएको कोठाहरु र आरामदायी सीटहरुले फिल्म हेर्न आउने दर्शकहरुलाई नौलो र रमाइलो अनुभव गराउने छ । सिनेफ्लिक्समा दर्शकहरुको चाहना अनुसारका भेजिटेरियन र नन–भेजिटेरियन स्न्याक्स जस्तै स्यान्डवीच, पपकर्न, नाचोस, र चिसो ड्रिङ्कहरु पनि उपलब्ध गराइनेछ ।
सेन्ट्रल प्लाजाको ६ देखि ९ तल्लामा श्रेष्ठ ईन्टरटेनमेन्ट एण्ड हस्पीटालिटी प्रालिको नयाँ लगानीको होटल भरन्डा खोलिने छ । यो होटलमा ३६ आकर्षित कोठाहरु हुनेछन् र सबै कोठामा ईटहरी शहरको दृश्य देख्न सकिने बरन्डाको व्यवस्था हुनेछ ।
यो सपिङ्ग मलले परिवार र साथीभाईहरु सँग आनन्दपुर्वक रमाइलो गर्ने मौका दिनुका साथै मुभिहलले दर्शकहरुलाई फिल्म हेर्ने नयाँ अनुभव दिनेछ । सेन्ट्रल प्लाजा र सिनेफ्लिक्स चाँही श्रेष्ठ ईन्टरटेनमेन्ट एण्ड हस्पीटालिटी प्रालिको पहिलो प्रयास हो । यसले दर्शकहरुलाई भरपूर सन्तुष्टि दिने विश्वास लिइएको छ ।
