१४ औ दरबारमार्ग स्ट्रिट फेस्टिभल शनिवार हुदै |
काठमाडौं । १४ औ दरबारमार्ग स्ट्रिट फेस्टिभल भोली असोज ६ गते शनिवार आयोजना हुदैछ । यो कार्यक्रम १२ बजेबाट सुरु हुनेछ । टीभीएस मोटर्स इन्डिया र जगदम्बा मोटर्स नेपालको सहकार्य सुरु भएको तीन वर्ष पूगेको अवसरमा यो कार्यक्रमको आयोजना गरिन लागेको हो ।
काठमाडौंको मूटु दरबारमार्ग आयोजना हुने यस कार्यक्रममा इन्डियन र्यापस किङ्ग बादशाहले लाईभ पफर्मेन्स गर्दैछ । उक्त कार्यक्रममा नेपालका चर्चीत कलाकारहरु इन्दिरा जोशी, एडरे, एज व्याण्ड, बुगी उगीका टप थ्री तथा नेपाल आइडलका टप थ्री कलाकारहरुको प्रस्तुती रहनेछ । सो फेस्टीलमा खानाका स्टलहरुको साथै किड्स जोन पनि रहनेछ । उक्त दिनमा दरबारमार्गका आउटलेटहरुमा डिस्काउन्टमा सपिङ्ग समेत गर्न सकिनेछ ।
उक्त कार्यक्रममा टीभीएस एनटर्कका पहिलो ५० जना ग्राहकहरुले बादशाहसँग भेट्ने अवसर प्राप्त गर्नेछन् । साथै कार्यक्रमको आकर्षणको रुपमा मिरर डान्स, रक क्लाइम्वीङ्ग रहने छ । एक जना भाग्यसाली दर्शकलाई बम्पर प्राइज स्वरुप टीभीएसको एनटर्क स्कुटर प्रदान गर्नेछ ।
सो कार्यक्रमको भीआईपी पास तथा बादशाहसँग भेट्नको लागि टीभीएसको एन्टर्क बुकिङ्ग गर्नु पर्ने हुन्छ । फेस्टीबलमा आएर सुन्दर सँगीतमा रमाउदै, उत्कुष्ट खानाको स्वाद लिनको लागि टीभीएसले आवहान गरेको छ । सो कार्यक्रमको निशुल्क प्रवेशको व्यवस्था गरिएको छ ।
