महिन्द्राको माक्सिमो एचडी नेपाली बजारमा | एकै दिन ५१ थान बुकिङ, मूल्य १२ लाख ३५ हजार
काठमाडौं । विभिन्न सवारी साधन नेपाली बजारमा विक्रीवितरण गर्दै आएको महिन्द्राले मंगलवार नयाँ उत्पादन माक्सिमो एचडी सिरिज सार्वजनिक गरेको छ । नेपाली बजारमा लोकप्रिय बन्दै गएको सानो मोडेलको महिन्द्राको ट्रक नेपालका लागि दुगड ब्रदर्श एण्ड सन्सले विक्री गर्ने भएको हो ।
सर्वजनिक गरिएको उक्त नयाँ ट्रकको नेपाली बजार मूल्य १२ लाख ३५ हजार तोकिएको कम्पनीले बताएको छ । सो ट्रक सार्वजनिक भएकै दिन कार्यक्रमस्थलबाटै ५१ थान बुकिङ भइसकेको कम्पनीले बताएको छ । नयाँ मोडलको माक्सिमोमा अगाडिको भागमा ८ पत्ता सस्पेन्सन राखिएको छ । जसले ८५० केजीसम्म सजिलै बोक्न सक्नेछ ।
यो ट्रकले लामो दूरीसम्म सञ्चालन गर्न सक्नेछ । कार्यक्रममा दुगड ग्रुपका भायस प्रेसिडेण्ट र महिन्द्राका दक्षिण एशिया हेर्ने सञ्जय ज्यादवको उपस्थिति रहेको थियो ।
