नाट्टाले ‘भिजिट नेपाल २०२०’ को आयोजना गर्ने | जनवरीमा ‘बुद्धिष्ट टुरिजम एक्स्पो’ हुने
काठमाडौं । नेपाल एशोसिएशन टुर्स एण्ड ट्राभल (नाट्टा) ले आगामी जनवरीमा ‘बुद्धिष्ट टुरिजम एक्स्पो’ आयोजना गर्ने भएको छ । पर्यटन मन्त्रालयकै कार्यक्रम भित्र परेपनि नेपाल पर्यटन बोर्ड र नीजी क्षेत्रसँगकको सहकार्यमा नाट्टाले यो एक्स्पो आयोजना गर्न लागेको हो ।
सरकारले सन् २०२० लाई पर्यटन वर्ष घोषणा गरेको छ । त्यतिबेलासम्म नेपालमा वार्षिक २० लाख पर्यटक भित्र्याउन सहयोग पु¥याउने उदेश्यले एक्स्पो आयोजना गर्न लागिएको नाट्टाका अध्यक्ष सिएन पाण्डेले बताए ।
भिजिट नेपाललाई सफल बनाउने उदेश्य सबै नेपालीको रहेको भन्दै नाट्टाले त्यस अगावै सन् २०१९ को जनवरीमा ‘बुद्धिष्ट टुरिजम एक्स्पो’ आयोजना गर्ने बताएको छ । नाट्टाले जनवरीमा एक्स्पो गर्ने भएपनि मिति भने तय गरिसकेको छैन । एक्स्पोको मिति आगामी हप्ता तय गरिने बताइएको छ ।
