तीन खेलाडी माछापुच्छ्रे बैंकका ब्राण्ड एम्ब्यासडर |
काठमाडौं । माछापुच्छ्रे बैंकले कम्पनीको ब्राण्ड एम्ब्यासडरमा खेलकुद क्षेत्रका तीन जना स्टारलाई नियुक्त गरेको छ । बैंकले खेलकुद क्षेत्रका मीरा राई, प्रतिमा शेर्पा र आर्यन गिरीलाई एक कार्यक्रमका बीच शुक्रवार नियुक्त गरेको हो ।
कार्यक्रममा बैंकका प्रमुख कार्यकारी अधिकृत सुमन शर्माले मिरा राई, प्रतिमा शेर्पा र आर्यन गिरी जस्ता खेलाडीहरुलाई बैंकसँग आवद्ध गर्न पाउनु गौरवको विषय भएको बताए । बैंकका पूर्वअध्यक्ष तथा पूर्वसांसद डा. वीरेन्द्रप्रसाद महतोले समेत बैंकले नियुक्त गरेका ब्राण्ड एम्ब्यासडरहरूले बैंकलाई अझै उचाइमा पुर्याउने बताएका छन् ।
बैंकका नवनियुक्त एम्बासडरहरू मीरा राई म्याराथन, प्रतिमा शेर्पा गल्फ र आर्यन गिरी टेनिस खेलका स्टार खेलाडी हुन् ।
