गल्फ लुब्रिकेण्टको ‘रिटेलर्स मिट’, तीन जनाले पाए सुजुकी भिटारा ब्रेजा कार |
काठमाडौं (आपास) । गल्फ लुब्रिकेण्टको वितरक नेपाल ल्युब आयल कम्पनीले काठमाडौंमा ‘रिटेलर्स मिट’ सम्पन्न गर्यो । कम्पनीले काठमाडौंको वितरक एभ ट्रेडिङ कम्पनीसँग मिलेर उक्त कार्यक्रम सञ्चालन गरेको हो ।
कार्यक्रममा दुईपाङ्ग्रे तथा चार पाङ्ग्रे सवारीसाधनका करीब ३ सय मेकानिक्स तथा लुब्रिकेण्ट्स विक्रेताको उपस्थिति रहेको कम्पनीले जानकारी दिएको छ । सो अवसरमा एभ ट्रेडिङ प्रालिअन्तर्गत धेरै लुब्रिकेण्ट्स वितरण गर्ने वितरकमध्ये एसएण्डएस ट्रेड कन्सर्न, अबि ट्रेड लिंक र डीएस ट्रेड लिंकले सुजुकी भिटारा ब्रेजा कार पाएका छन् ।
त्यसैगरी एएन मोटर पाट्र्स, कारमाण्डू मोटर्स, सिन्धुली अटो र अटो एभले रोयल इन्फिल्ड बुलेट ३५० सीसी बाइक पाएका छन् । एभ मोटर्स, सोनित अटो पाट्र्स र धनश्री अटो केयरले यामाहा सलुटो बाइक पाएका छन् । ताजपुरिया ट्रेड लिंक, अमन ट्रेड लिंक र कमल ट्रेड लिंकले थाइल्याण्ड भ्रमण गर्ने मौका पाएका छन् । रिटेलरहरूलाई यीबाहेक एलईडी टीभी, ल्यापटप, केटललगायतका उपहारसमेत प्रदान गरिएको थियो ।
