इटलीमा पुल भत्किँदा २६ जनाको मृत्य |
काठमाडौं । इटलीमा मोटरेबल पुल भत्किँदा ठुलो क्षती भएको छ । सो दुर्घटनामा कम्तीमा २६ जनाको ज्यान गएको छ भने १५ जना गम्भीर घाइते भएका छन् । साथै १ दर्जन हराइरहेको बताइएको छ ।
इटालीको उत्तरपश्चिमी बन्दरगाह शहर जेनोअमा रहेको पुल मङ्गलबार विहान १० बजे भत्किएको हो । ४५ मिटर अग्लो पुल भत्किँदा ३० भन्दा बढी गाडी सोमा परेको अन्तर्राष्ट्रिय सञ्चारमाध्यमहरुले जानकारी दिएका छन् । पुलको २ सय मिटर भाग भत्किएको छ । आँधी आएका बेला परेको चट्याङ लागेर भत्किएको प्रत्यक्षदर्शीहरुले जानकारी दिएका छन् । तर के कारणले पुल भत्कियो भन्ने यकिन भइसकेको छैन । सन् १९६० मा निर्माण भएको पुलको २ वर्षअघि मात्रै मर्मत गरिएको थियो ।
ए १० सडक अन्तर्गतको पुल भत्किएर फसेको अनुमान गरिएकाहरुको २ सय उद्धारकर्ताहरुले खोजी जारी राखेको बताइएको छ ।
