प्राविधिकका लागि पञ्चकन्याको सेमिनार |
काठमाडौं (आपास) । पञ्चकन्या ग्रुपले प्राविधिकहरूका लागि सेमिनार आयोजना गर्यो । गू्रपले काठमाडौंको थापाथली र २५ गते लाजिम्पाटमा आयोजना उक्त सेमिनार आयोजना गरेको हो । कम्पनीले इञ्जिनीयर, ओभरसियर र प्राविधिकलाई सीपीभीसी तथा पीभीसी पाइप जडानसम्बन्धी सैद्धान्तिक तथा प्रयोगात्मक ज्ञान प्रदान गर्ने उद्देश्यले त्यस्तो कार्यक्रम आयोजना गरिएको बताएको छ ।
गू्रपले जापनिज कम्पनी हाजमा–अण्डूद्वारा प्रसूति गृहको निर्माणाधीन भवनमा कार्यरत जापनिज तथा नेपाली प्राविधिकलाई सैद्धान्तिक तथा प्रयोगात्मक ज्ञान प्रदान गरेको हो । थापाथलीमा भएको कार्यक्रममा २५ जना प्राविधिक र लाजिम्पाटमा भएको कार्यक्रममा ६० जनाको उपस्थिति थियो ।
कार्यक्रममा जापानको सेक्युसी कम्पनीबाट आएका प्राविधिकले सीपीभीसी प्रोडक्टबारे जानकारी गराएका थिए । यस्ता तालीम, सेमिनार तथा अन्तरक्रियाले कार्यसम्पादनमा सजिलो हुने र गुणस्तरीय सामान छनोट गर्न प्रभावकारी हुने ग्रुपले बताएको छ ।
