नेपाल एयरलाइन्सको टिकट अब इसेवामार्फत |
काठमाडौं (आपास) । नेपालको राष्ट्रिय ध्वजावाहक नेपाल वायु सेवा निगमको राष्ट्रिय तथा अन्तरराष्ट्रिय दुवै खालका टिकेट अब इसेवामार्फत खरिद गर्न सकिने भएको छ । नेपालको पहिलो पेमेण्ट गेट वे ‘इसेवा फोन पे प्रा.लि’.का तर्फबाट सीईओ रोशन लामिछाने र निगमका तर्फबाट महाप्रबन्धक सुगतरत्न कंसाकारले बिहीवार सोसम्बन्धी सम्झौतापत्रमा हस्ताक्षर गरेका हुन् ।
उक्त सम्झौतासँगै इसेवाबाट वायुसेवा निगमको आन्तरिक तथा बाह्य उडानका टिकट खरिद गर्न सकिने कम्पनीले जानकारी दिएको छ । यसअघि इसेवाबाट बुद्ध एयर, श्री एयरलाइन्स, यति एयरलाइन्स, सिम्रिक एयर, सौर्य एयरलाइन्सको टिकट खरिद गर्न सकिन्थ्यो । यो सम्झौताले निगमको बजार विस्तारलाई समेत सहयोग पुर्याउने विश्वास लिइएको छ ।
